الأربعاء، 27 أبريل، 2011

كلمات: حضرتنا من الرأي العام - سامي حواط

حضرتنا من الرأي العام
صوت للي ما إلهم صوت
كيف حالك .. والله تمام
عايش من قلة الموت
حضرتنا من الرأي العام

منصلي كتير .. ومنصوم
منهلك .. مننام ومنقوم
ومنرجع نهلك وننام
حضرتنا من الرأي العام

حضرتنا ما بتعرفنا
الرأي العام .. تشرفنا
تزوجنا وصار عنا ولاد
عم ننجد فراش جداد
حتى ينام الرأي العام
حضرتنا من الرأي العام

حضرتنا الأكترية
تسع وتسعين بالمية
طرحنا من المية واحد
والواحد وحده قاعد
قاعد ع الراس وقدام
حضرتنا من الرأي العام

حضرتنا من الرأي العام
صوت اللي ما إلهم صوت
كيف حالك .. والله تمام
عايش من قلة الموت
حضرتنا من الرأي العام

0 تعليقات::

إرسال تعليق