الأربعاء، 27 أبريل، 2011

صارت سنة الألفين 2000 - غسان الرحباني



صارت سنة الألفين *** وزبط البلد
وخلصت سنة الألفين *** وبقينا عالحدد
ورثنا ورطة كبيرة *** وطعمونا الفطيرة
شو حلو حظو للي يعيش *** بلبنان الألفين

صارت سنة الألفين *** وهبّو هالنواب
يحكو عن مشاريعن *** ويفتحو الأبواب
والقصة محسومة *** بجماعة العمومة
شو قصتك يلا قومي *** عالانتخابات


صارت سنة الألفين *** وكترو المرشحين
نزلو عالساحة بقوة *** و ترّسو الميادين
عايشين بـ بحبوحة *** وصواتنا مبحوحة
وكل ليلة أطروحة *** بلبنان الألفين

صارت سنة الألفين *** وتحرر الجنوب
وكثرت الضرايب *** وفضيت الجيوب
وتعبّت المواقف *** و صفـّـا كلو واقف
وانفضحت المواقف *** بتحرير الجنوب

صارت سنة الألفين *** وتغيرو الفصول
وهلكو الأراضي *** و فرمو الحقول
وما عاد في زريعة *** وصار عنا قطيعة
واللعبة فظيعة *** علينا يا شباب

صارت سنة الألفين *** وكثرت الأشغال
وما عاد في بطالة *** واغتنى المحتال
وأخذو لنا البوسطة ** وما عاد عنا واسطة
وأكلو المواسطة *** بلبنان الألفين

صارت سنة الألفين *** وصار الانسحاب
وخلصت القضية *** وفلينا عالبيت
والعقدة بعدا كبيرة *** وما خلصت الفطيرة
ويا دلي ويا تعتيري *** عالأخوة بالبيت

صارت سنة الألفين *** وإجا فصل الصيف
وكثرت الحرايق *** بموسم الكيـْـف
والحرايق مقصودة *** والطفاية مفقودة
والخطة مدروسة *** لفتح الكسارات

صارت سنة الألفين *** و عبّو الـ بسينات
ونزلنا تشمسنا *** وهبّت النسمات
وعملنا برونزاج *** وحلقنا رازاج
وعملونا لافاج *** وقلنالن يا ريت

صارت سنة الألفين *** وضحكو علينا الناس
وركـّـبو مقلتنا *** وصرنا بـ فرد لباس
وكل شي عملنا خير *** أخذن الطير
و فوَّتو لنا الـ "أ .." **** بالانتخابات.

0 تعليقات::

إرسال تعليق