الخميس، 7 يوليو، 2011

كلمات أغاني لطيفة التونسية

عشان بحبك

كلمات: عبد الوهاب محمد
ألحان: سامي الحفناوي
توزيع: طارق عاكف

عشان بحبك وأخاف تغير
بخبي عنك حاجات كتير
حاجات بريئة
بس الحقيقة
البعد عنها أسلم طريقة..
عشان بحبك
بخاف أصارحك بحب فات
ما بقاش في بالي غير ذكريات
حكاية يمكن لو قلتهالك
تعمل في بالك منها حكايات
وهي يعني حاجات بريئة
بس الحقيقة
البعد عنها أسلم طريقة..
عشان بحبك

بخاف أقول لك قابلت مين
بالصدفة وإالا كلمت مين
إلا إن سألت معلش أقول لك
وكل كلمة أحلف يمين
وهي يعني حاجات بريئة
بس الحقيقة
البعد عنها أسلم طريقة..
عشان بحبك

عشان بحبك بكل قلبي
بخبي كله ما عدا حبي
أحب أقول لك إحساسي كله
وشعوري كله طول ما أنت جنبي
وأداري عنك حاجات بريئة
بس الحقيقة البعد عنها أسلم طريقة..
عشان بحبك

بكره معاك

كلمات: عبد الوهاب محمد
ألحان: سامي الحفناوي
توزيع: طارق عاكف

بكرا معاك.. هو صحيح مش ملك إديا
بس هواك.. طمن قلبي عليك وعليا
بكرا معاك ده في كل أيامنا
علشان فيه تحقيق أحلامنا
بكرا.. قول إنشالله
بكرا معاك أفراح و تهاني
بعد ما كان أحلام وأماني
بكرا معاك مستقبل أجمل
مجموع فيه زمنك و زماني
بكرا معاك تتويج لهوانا
بعد ما عاش لسنين جوانا
بكرا معاك ح نكون دنيا
ولا عزال ولا حد معانا
بكرا معاك يا حياتي بسعده
فتحة خير على بعده وبعده
على أيام بالعشرة سعيدة
على قلبين بالحب أتواعدوا

بحبك كده

كلمات: عبد الوهاب محمد
ألحان: سامي الحفناوي
توزيع: طارق عاكف

بحبك كده.. كده زي ما أنت
بغيرتك عليا وقسوة عتابك
بشكك وظنك.. وثورة شبابك
بفرح في قلبي عشان بتعاتبني
وتخاف عليا كتير وتحاسبني
بحس في كلامك بنار حب قايد
ونار وجد زايد
وأحس في كياني انك باقي لي وأنك شاريني
شعور يا حبيبي بيرضي غروري
وأنا في شعوري..
باحبك كده زي ما أنت
يسعدني تسأل أنا رحت فين
ويرضيني تعرف كمان جيت منين
أحب تشاركني دقايق حياتي وترضي ظنونك
قلبي و عواطفي وجميع إحساساتي تشوفهم عيونك
شعور يا حبيبي بيرضي غروري
وأنا في شعوري..
بحبك كده زي ما أنت

ما بنساكش أبداً

كلمات: عبد الوهاب محمد
ألحان: سامي الحفناوي
توزيع: طارق عاكف

ما بنسكش أبداً.. ما تعرفش ليه
ده شئ صعب جدا.. ما خدتش عليه
حاولت.. حاولت.. غلبت.. وما زلت
بحاول.. وبرضو.. ما بنسكش أبدا
ما بنسكش أبداً.. لكن بنسى حالي
وأسرح في عهدك لوحدك يا غالي
صحيح أنت ماضي و راح من إيديا
لكنك مصعب حياتي عليا
حياتي اللي فاتت.. وحتى اللي جاية
لأني بشوفني.. مابنسكش أبداً
ما بنسكش أبداً بطول السفر
وبالبعد عنك بكل الصور
بغير مناظر.. وأغير هوى
وما القاش في بعدك لحالي دوا
ده قد ما ابعد بيحلى الهوى
ويقوى الهوى.. ويغلى الهوى
ومهما بحاول.. ما بنسكش أبداً

باتمنالك

كلمات: عبد الوهاب محمد
ألحان: سامي الحفناوي
توزيع: طارق عاكف

بتمنالك .. بتمنالك
تتحقق لك كل أمالك
كل ما تنجح.. كل ما تفرح
إبقى افتكر أني أنا داعيالك
بتمنالك كل سعاده يا كل حياتي
أكتر ما أتمناه وزياده لروحى و ذاتي
أصل الروح لو كانت تتهادى
كنت يا نور عيني هديتها لك
كل ما تنجح.. كل ما تفرح
إبقى افتكر إني أنا داعيالك
يتمنالك قوي من قلبي فرحة كبيرة
وتنول حب الدنيا يا حبي من غير غيرة
حتى إن كان ده على حساب حبي
حبي فداك واختار ما بدالك
كل ما تنجح.. كل ما تفرح
إبقى افتكر إني أنا داعيالك
بتمنالك بتمنالك تتحقق لك كل آمالك
والأحلام اللي بتحلمها و الأحلام اللي بشوفها لك
وللي كمان ما خطرش في بالي
وللي كمان ما خطرش في بالك
كل ما تنجح.. كل ما تفرح
إبقى افتكر إني أنا داعيالك

عشان بحبك 1989 - ألبومات لطيفة

0 تعليقات::

إرسال تعليق