كلمات أغاني وديع الصافي

اندق باب البيت

اندق باب البيت عالسـكـّيت
كنت وحدي بهالـ مسا بالـ بيت
قاعد لحالي ** راجع حسابي
ع سراج صار مخلّص من الزيت
مين عم بيدق ع بابي *** سألت حالي قبل ما رديت
 

وصرت إستعرض صور أصحاب
مرقوا على عيوني بزمان الحب
ومن غير وعي صفيت جنب الباب
تا إفتحو وما كان عندي قلب
والباب عم بيدق.. والقلب عم بـ يدق
إيد عم ترجف بلا أسباب
نص شقة بابنا شقيت
 اندق باب البيت عالسكيت...
 وجمدت لما شفت وجه الضيف
والـ حكي تخرسن على لساني
ما كان ضيفي خصم حامل سيف
ولا بيننا في تار إنساني
كان محبوبي الحبيب الـ باعني وحب الغريب
كلمة جفا فلتت من لساني لوين راجع بعد ما فلـّيت
ورغرغوا عيونه بدمعات الندم قال سامحني
ما عاد تصدم قلب أكتر ما انصدم ** معليش صالحني
عمري على غيابك جحيم وعدم ** من النار ريحني
جيت غسّـل إيديك بدموع الندم
دفعت التمن عالـ بعد وتربيت...
قلب الحبيب مهما قسي
بـ يضل يتذكر ليالي حبيبه الماضية
نظرة عتب لا أكتر ولا أقل
بـ ترجع قلوب الحبايب راضية
وفتحت أبوابي لأعز أحبابي
ومطرحه بالبيت عاد احتل
ورجعت سلمته مفاتيح البيت
اندق باب البيت...


وديع الصافي - شعر: مارون كرم

رح حلفك بالغصن ياعصفور

رح حلفك بالغصن يا عصفور
بالورق بالـ فـَـيّ بالنبعات
بالـ زيّح جناحك بريشة نور
بالـ مرجحك مع زرقة النسمات
إطير يا عصفور.. عـ كوخ من وزال
غويات سقفه زهور
مفروش بالعنبر
حب الندي الأخضر
دنيّي ظلال ظلال
دنيّا ظلال ظلال
تقشع عريشة وباب.. بـ فَـيـِّــتا مزوي
وحلوة بإيدا كتاب.. سلم على الحلوي
وإن هديت رياحك بـ تمرمغ جناحك
عـ السطح عـ الحيطان
عـ تياب مـِـذريي
عـ البسط عـ القمصان
عـ كل شي مخزّق
عالمقعد الأزرق
عالقمر السكران
الـ بـ ذكرا فيي آآه فيي
بذكرا فيي..
وإن كان ما في شي من حبنا باقي
بـ تسكـّـت الساقي يا طير وبتمشي
وبـ تغط تحملي ..
يا من هاك التلة
يا من هداك الغالي شي ذكر شي قشة
ومن خرطشة دَيْها
من تحت إجريها
شي نقدتين تراب.. شي نقدتين تراب.....

كلمات: مارون كرم  - ألحان: وديع الصافي

طل الصباح وتكتك العصفور

طل الصباح وتكتك العصفور
سهرنا وطولنا بنومتنا
شوفي الشفـق فرق علينا النور
والشمس منشورة عا خيمتنا
والكون غاشي والفلك مسحور
من سـقسقة ميات نبعتنا
يا اختي اسبقـيني ولفي المعدور
حا نكفي نكاش بورتنا
ليكي الجدايا هدهدوا المعبور
وخربوا مطاعيم كرمتنا
لك عيطيلك صوت للناطور
معزة أبو طنوس خربتـنا
ضهري يا خيي من التعب مكسور
ونقطة مي ما في بجرتنا
وبدي الحماية تزف للتنور
وانده بدربي بنت جارتنا
تا ترقّمعـنا الخبز يا منصور
راحت عياري كل خبزتنا
بشغـلنا بايت علينا كسـور
وحمضـت بتـكون عـجنتنا
يا اختي عـفـاكي روجي يا بدور
راح النهار والشمس غدرتنا

ومرشقيلك غـمر لـلقرقور
نحنا انسبقـنا يا خطيتنا
وإن ما قدرتي تبعتـيلي فطور
ودي لـطـيــفـة بـنـت خالـتـنـا
قديش يا اخـتي بعيشتي مقهور
غير شكل عن شباب ضيعتنا
بألف خير وعايشين بسرور
ومغـمـسـة بـالـدم لقمتنا
بتزعل كخيي وسماع مني صبور
شـو مـنعمل هيـك حالتنا
عرزالنا الأخضر بيـسوي قـصور
مناخو حلو من سنديانتنا
شلعات معـزي معمشـقا عصخور
ومنجيرة الراعي وعـنزتنا
ومغارة قـاديشـا أرزنا الـمشهـور
بيسووا الدني ومن عيشتك زعلان؟
غلطان حلوة كتير عيشتنا

تأليف: أسعد السبعلي - تلحين وغناء: وديع الصافي

على الله تعود

على الله تعود على الله
يا ضايع في ديار الله
من بعدك أنت يا غالي
ما لي أحباب غير الله

**********

يلي مرمرت زماني
كانك بطلت تهواني

***********

يا أبو الأحباب لاقيني
من بعد غياب هنيني
حاجي من دموعي تسقيني
نشفت دموعي اي والله

***********

عتابا

على الله تعود بهجتنا والفراح
وتغمر دارنا البسمة والفراح
قضينا العمر ولف ضل وولف راح
وضاع العمر هجران وغياب

************

لو جاني يوم مرسالك
و طمني يوم عن حالك
لطرب الفؤاد كرمالك
واسجد على أبواب الله

ياختي نجوم الليل شوفيها

ياختي نجوم الليل شوفيها سبحان خالقها وباريها
بهالسما قناديل مضويّة بتقدري ياختي تعدّيها
ومتل نعاج بأرض بريّة سارحة والرب راعيها
شوفي القمر رفرف على المّية وصورته للناس رانيها
وحقولنا بالزهر مكسيّة عاكتاف ضيعتنا وروابيها
بكرة السفر يا نور عينيّ خدودِك من الهجران حنّيها
ما لي قلب أكسر قلب بيي ولا ميمتي بوّس أياديها
خيي، أنت غلطان يا خيي كلمة سفر من تمّك رخيها
وطّل عا إختك بالك شويّة وبهيك نغمة لا تحاكيها
إن رحت بدنا ندوب حنيّة وقلوبنا تفقد أمانيها
وأمّك بالحزن ما بيسوى نكافيها
ولمين بدها تقول يا بنيي بنيي خيي وحيدا لا تجافيها
صارت على العكاز محنيّة شو عليّ أنا بدّك تخلّيها
ياختي تأصبر ما بقى فيي بلادي بقلبي ورح بفديها
هالـ حنّت ع َغيري وجارت عليي، عليي ومين متلي مجد عاطيها
أنا الـ غنّيتا للفكر غنيّة بأبيات عم تحكي قوافيها
وألحان حبي عطيتها هديّة وما قابلت بالمتل هاديها
خيي برضاي عليك يا خيي ورقة فراق بلادك طويها
وعالسفر لا تصمم النية النية بكرة الدني تضحك لياليها
وكل غفوة تحت هالفيّة بتسوى الدني وكل ما فيها
وعهالسطيحة كل سهرية هموم الدني عنك بتجليها
وجبالنا صفحات سماوية صورة وطن حلو معانيها
خليك عاهالبيت شمسية بكرة بتجي إيام عز كتير
كلمة سفر من تمك محيها
يابا يابا يا يا..

بالساحة تلاقينا بالساحة

بالساحة تلاقينا بالساحة
عليها جوز عيون شو دبَّاحة
وقامة يخزي العين والخدين
تفاحة بتغار من تفاحة
لاموني العزَّال والحبايب
جافوني الخلان والقرايب
قلتلا يا بنت قلبي دايب
قالت مالي قلب بالصراحة
قلتلا هالروح بتشوِّقني
وبحبال الأحلام بتعلقني
قالت ما بترتاح يا عاشقني
وفكار العشاق مش مرتاحة
حني عالمشتاق لنُّو ببسمة
بترديلي الروح لو تبتسمي
كلما صوب الحي تمرق نسمة
ببعتلِك سلام تحت جناحا

وَلَوْ!

ولو هيك بتطلعوا منا؟ وما تعودوا تسألوا عنّا
عالقليلة تذكروا الماضي..
بسمة على شفاف الهوى كنا.. ولو ولو
ولو هيك بتتركوا المجروح؟
عفراقكم صفّى عآخر روح
متعوب فكرو منكسر قلبو
عفراقكم روحو بتجي وبتروح
ولو.. ولو ولو ولو ولو
ولو
كفتى هالأسى كلو..
مهما جرى بالبال بتضلوا.. عيني
أمان أمان حبيبي
بكرا انسألني مطل ضيعتكم
وين أخت الشمس شو بقللو؟ ولو ولو حبيبي..
قالت ضحاك.. ما بريد تعقد هالجبين
استحليت عاشفافك الضحكة أعرفا.. عيني
قلت كيف بدي أضحك وقلبي الحزين..
تيتّم وصابر عالمحبة والوفا..
ولو.. ولو.. أه ولو…
هيك بتطلعوا منا؟
بسمة على شفاف الهوى كنا.. ولو ولو..

الله يرضى عليك يا ابني

الله يرضى عليك يا ابني
ضهري انكسر والهم دوَّبني
خود ليلى بنت ضيعتنا
ترتاح معها وما بتتعبني
خود ليلى بنت ضيعتنا
بنت عيلة متل عيلتنا
وبتعيش يابني متل عيشتنا
سماع مني ولا تجاوبني
بنت المدينة بدها خدام
إلا عَريش نعام ما بتنام
ليلى يا ابني ان جارت الأيام
بتعيش عالزيتون والجبنة
الله يرضى عليك يا ابني
سلمى ما عندا عليك حنية
ومعوَّدة عالرقص ليلية
بعود عنها وخود عيني
وخود روحي ولا تعذبني
صار لي عمر يا بني بربي فيك
وتحت فية جانحي بخبيك
يابني عادرب الخير عم بهديك
الله يرضى عليك يا ابني

عمر يا معلم العمار

عمر يا معلم العمار وعلِّي حارتنا يا با
عمرلي شي أوضة ودار بتعمر دنيتنا يا با
يا عمار العمارين دبِّرنا قبل الشارين
شي أوضة وعلية ودار يكونوا شبابيكون حلوين
شيل حجار وحط حجار وعمر يا معلم العمار
وعمر يامعلم العمار وعلي حارتنا يا با
عمر تنعمِّر لبنان وبستان يلوِّن بستان
سيِّج تانسيج بزهور بورد وتفاح ورمان
وتحلا قمار وتضوي قمار وعمر يا معلم العمار
وعمر يا معلم العمار وعلِّي حارتنا يا با
وعمر تانعمِّر لبنان ويعلى عالغيم البنيان
هالمرَّة سيِّج بزنود بقلوب وعزم وإيمان
خلاق فكار شقاع فكار وعمر يا معلم العمار
وعمر يا معلم العمار وعلي حارتنا يا با

يا أم الضفاير

يا ام الضفأير حلوة والجبين العالي
مضوي جمالك مضوي مشعشع بالليالي
عيونك واللون الأسمر وقلوب التتحسر
يا خصر بمنتور مزنَّر شو بتخطر عا بالي
لوحي بالغرَّة الفضة بزهور المبيضَّة
قلبي ياما وياما قضَّى بِحِبِّك الغالي

موَّال :

يا وردة اللي ألف شوكة سورها
وإلاَّ طيور الوعر ما بتزورها
بوَّابة اللي كلها شمس ودفا
يا ريتني يا ريتني ناطورها
ميلي ببراجك ميلي وخلِّيكي مقابيلي
لمَّا بإيدِك بِتوميلي بِجيلِك لَحالي

عيونك أخدوني وجابوني

موَّال:

يا ليل يا ما فيك غنِّينا
زرعنا الحكي الطيِّب حوالينا
نصلِّي لضحكة نندر لسهرة
ونسقي الحلا من دموع عينينا
عيونك أخدوني ورميوني وعلآخر دنيي ودُّوني
ومن آخر دنيي جابوني وما بعرف وين شلحوني
عيونك يا بحيرة ميّ ورد وزنبق غمزاتن
مرَّة بِحنوا شويّ ومرَّة بتقسى لفتاتن
خايف دخلك ليقسوني واغرق بالمي وينسوني
عيونك يا حد السيف ومدهَّب بغنية
مرَّة بيكونوا صيف ومرَّة فيهون شتوية
وما دامن رضيوا وحبُّوني ليش تا بلآخر جرحوني
عيونـــك!

بترحلك مشوار

قالت بترحلك مشوار
قلتلا يا ريت
قالت لكن أوعا تغار
حواليِّ العشاق كتار
قلتلا بطَّلت... خليني بالبيت... قالت..
قلتلا مكسَّر تكسير
ما بمشي هيك مشاوير
قالتلي سماع مني وروح
واللي بدو يصير يصير
عشت كتير وشفت كتير وغيرك ما حبيت.. قالت
قالتلي أوعى تهتم
انشالله ما بتشوف الهم
قلتلا راح اللي راح
مليتيلي قلبي جراح
قلتلا من هالأخبار
والله ما انهمَّيت

موال:

أحبابي وين ما راحوا
بقلبي وعقدة همومي يحلون
كاس المر بالبلسم يحلون
ويصبح كاس طيِّب للشراب
تاري الحب فنون فنون
وما بيعلق غير المجنون
قالتلي ما عندك قلب
قلتلا غيَّرت الدرب
لا رح اعشق ولا رح حب وهالمرَّة تربَّيت!

البير

قديشنا صحبة أنا وهالبير عشاق نحنا من زمان كتير
وغماق شو في سرار مطوية بقلوبنا ودموع ومشاوير
أنا وهالبير ..
قديش صرلي بعرفو شو عمر جيل البيادر والولاد السمر
أيام كان الغمر خلف الغمر موسم صبايا وحب وشحارير

أنا وهالـ بير..

يا بير هالكانت توالفنا بتمرق كأنا ما بتعرفنا

زرعنا سقينا الزرع وقطفنا وبدنا نسرب ما بقى بكير

أنا وهالبير ..
عوافي يا بو فارس تعبان كتيير، دايماً منشوفك حارس عحفاف البير

خلصت الشغل وما ضل عليِّ ولا جل، مرقت شربت ورح فل الليلة بكير
يا بو فارس شو عملنا لا تسألنا، اسآل اسآل معاولنا بتحكي وبتطير

عمتشتاق الغنية عالقمرية، مدري الليلة السهرية وين بدا تصير
الليلة السهرية، عابير المية، وحياة عيونك بو فارس بدنا غنية

انتوا عاعيوني، لكن عيفوني، بخاف الملعونة هي مرتي تقوم تجي عليِّ
وك يا بوفارس، وحياتو فارس، ان إجت ام فارس منقلاَّ بعدك صبية

وحياة عينك وحياة عينك بدنا صوت صغير وبس
غنياتك بجلساتك بتخلي الحجار تحس

وك عيفوني دايقتوني كيف بدي غني عاللس
مش رح نقلع حتى نسمع منك صوت صغير وبس

موال:

لمّن شافتني تنهدت من دون حكي ورغرغت بالدمع أصدا تشتكي
واحْمرّ ورد خدودها وبكيت خجل ومن غصتي ما قدرت قلها شو بكي

طلعني درجة درجة

طلعني درجة ودرجة
تا نوصل عالدار
دارك يا حلوة مرجة
فيها الحب زرار
وفرجة فستانك فرجة
وفرجة ها الزنار
يا حجلة كرجة وكرجة
الصيادين كتار
خلينا بهالليل نفل
نقطف ورد ونلملم فل
بلكي شي نجمة بتطل
بتاخدنا مشوار

موال:


عالبيت عادار اللكن بسأل
وبخاف قلبي من التعب يدبل
يا شعرك اللي الف لون ولون
ع جدايلو نجوم السما بتنزل

طلوا أحبابنا طلوا

طلوا حبابنا طلوا
نسم يا هوا بلادي
وبين ربوعنا حلوا
ضحكت زهرات الوادي
بالفيات غنينا
وعا الميات تلاقينا
وعل أغصانا حلو
وينسانا الطير الشادي
ونحنا حكايات في بالو
منا نغمات موالو
ولما النسمات تحلالو
بين الغابات بينادي
فوق جبالنا السمرا
طل الفجر يحاكينا
بين مروجنا الخضرا
صار الورد ينادينا
والأطيار عالميلين
تروي أخبار... العين العين
فوق جبالنا السمرا
طل الفجر يحاكينا
ونحنا من بعيد نحديلو
عن حب جديد نحكيلو
عا السمر الغيد نوميلو
من خمر العيد يسقينا

قتلوني عيونا السود

قتلوني عيونا السود يا ليل وما لو حدود
قتلوني قتلوني قتلوني عيونا السود
وبنية عم تكبر من يوم ليوم
زهرة محروسي بسيوف النوم
خوفي يا سنين لتمر سنين
تنساني عيونا السود
أنا لاسأل عليهن من حي لحي
دور عن صورهن ببرك المي
والسهل يغيب والليل يغيب
ويطلوا عيونا السود

الليل يا ليلى يعاتبني

الليل يا ليلى يعاتبني
ويقول لي سلم على ليلى
الحب لا تحلو نسائمه
إلا إذا غنى الهوى ليلى
دروب الحي تسألني
ترى هل سافرت ليلى
وطيب الشوق يحملني
إلى عينيك يا ليلى
لأجللك يطلع القمر
خجولاً كله خفر
وكم يحلو له السفر
مدى عينيك يا ليلى
لنا الأيام تبتسم
ولا همسٌ ولا ندم
وماذا ينفع الندم
نديم الروح يا ليلى

حبيبي ونور عيني  (نور عيني) 

حبيبي ونور عيني نور عيني
ما كنت تقول خطيّة
تقول خطيّة
بعدك يا أبو عيون السّود
عيون السّود
شايف حالك شايف حالك عليّ

محيّرني محيّرني كيف براضيك
باتمنى باتمنى ساعة لاقيك
وغلبت وغيّر وغيّر بدّل فيك
ولعباتك هي هي هي هي

رزق الله رزق الله الحب الماضي
شو كان الفكر الفكر فاضي
باتمنى وباتمنى شوفك راضي
وبعدك وبعدك زعلان عليي

لاقيني لاقيني نهار ع دربي
وعليّ وعليّ حاجة تخبي
سلّمتك سلّمتك روحي وقلبي
وقلبك وقلبك ما في ما في حنيّة

يا ابني

يا ابني بلادك قلبك عطيها
وغير فكرك ما بـ يغنيها
نما حميتها يا ابني من الويلات
ما في حدا غيرك بـ يحميها
بيّك موصّيلك قبل ما مات
بلادك صلا للحب صلّيها
لو عليها ثقلت الحملات
وشي عين غدر اطلّعت فيها
مثل الأسد خليك في الحزات
صرخة بطل عـ الكون وديها
يا ابني بلادك يوم طلّ النور
ضوّت نجومو عا رواضيها
والمركب الأول الـ قص بحور
فيلك شراعو من شواطيها
أرزاتنا مرقت عليها دهور
وبعدنا منكبر بماضيها
وصبرا عـ كتف جبالنا ناطور
جنون العواصف ما بـ يلويها
يا ابني بلادك جنّة الإنسان
بصوتك يا بلبل ضل غنيها
تنقل ما بين الورد و الريحان
وحكايتك للساقية حكيها
خليك يا ابني عالوطن سهران
وعين اللي بيجيها النوم وعيها
وكلّ شبر بنذر من لبنان
أرضك لابنك بس خلّيها
يا ابني السما تضحكلك و تحميك
وتضل درب العز تمشيها
وتلّة الأرزة بنسرها نسميك
وجوانحك عالريح عليها
والغار كل مواسمو يهديك
وأفكارك قناديل ضوّيها
وعالشمس خلّي حلمك يودّيك
ودراج فوق دراج تبنيها
يوم الرجوع بلادك تلاقيك
وعنّك صغار المجد ترويها

كلمات لبنان يا قطعة سما

لبنان يا قطعة سما
عالارض تاني ما إلا
لوحات الله راسما
شطحات أحلى من الحلى
عالطامعين محرما
وللخاشعين محللا
بالسيف ما بتغلى دما
وللضيف منقلوا هلا
لبنان يا قطعة سما
إسمك على شفافي صلا
يسعد صباحك هالـ حلو
يلـ إنت للدنيا صباح
روس الجبال تكحلو
بالنور واترفض جناح
بـ لبل حلو ياما إلو
صابر على جنون الرياح
عرم بريش الـ بللو
قطر الندي
زهزل وصاح
لبنان يا قطعة سما
إسمك على شفافي صلا

بكتب اسمك يا بلادي

بكتب اسمك يا بلادي ... عالشمس الـ ما بتغيب
لا مالي ولا ولادي ... على حبك ما في حبيب

يا دار الأوفى دار ... تلبقلك الأشعار
تبقي عالدايم مضوية ... ومزروعة مجد وغار

عالبرج العالي ... وقفوا الخيالة ... والسيوف تلالي ... وشمسك ما بتغيب
لا مالي ولا ولادي
على حبك ما في حبيب

لـ لف الدنيا ودور ... وأقطع السبع بحور
وإنده أيامك يا بلدي ... ترجع على أرضي النور
ونعيد عيدك ... كل مواعيدك ... بالخير تزيد المواسم
لا مالي ولا ولادي
على حبك ما في حبيب

بكتب اسمك يا بلادي ... عالشمس الـ ما بتغيب
لا مالي ولا ولادي ... على حبك ما في حبيب

(شعر: مارون كرم)

كلمات أغنية: جايين يا أرز الجبل

جايين يا أرز الجبل جايين ** اشتقنا لجبل نيحا لجبل صنّين
تحت السّما ما في متل لبنان ** لبنان أحلى وجّ أعلى جبين

اشتقنا على بعلبك وقلعتها ** اشتقنا لـ زحلة لـ جرن كبّتها
لـ بيت شْباب لإهدِن لحَصرون ** لـ صوفر لعالَيه لـ بحَمدون
لجزّين للـ باروك لـ بعـَقلين

اشتقنا لـ فالوغا لـ حَمّانا ** للـ شّوير لـ بشرّي برمّانا
لـ بيت مري لـ سبعل لـ بكفيّا ** لـ غوسطا لـ ميروبا لـ فاريـّا
لـ تلّة حريصا لـ صخر قنّوبين

اشتقنا لبسكنتا لـ عينطورة ** لـ رَيفون لـ عْجلتون للـ كورة
لعِبرين لـ بكاسين للـ بترون ** لـ عكـّار لـ حراجل لــ مرجعيون
لقرطبا لـ جونية لـ تنّورين

اشتقنا لـ غزير لـ عنجر لـ درعون ** لـ يحشوش للـ قبيّات لـ بشامون
غبالة وحملايا العاقورة ** دلبتا الغازيّة النّاقورة
لـ حومال لـ بعبدات للقطـّين

اشتقنا على سهيلة وعلى عرَمون ** اشتقنا لـ إنطلياس لـ بدادون
للـ نبطيّة لـ جون لـ جديتا ** للـ حدث لمغارة جعيتا
لـ بيصور عين عْنوب عنتورين

اشتقنا لـ عين تراز عين دارا ** لـ كفور وراس كيفا ومزيارة
دفّون عين زحلتا لبدنايل ** لـ نبع الصّفا لـ مشمش لـ قرنايل
لـ بسوس راشانا ولِـ بْتَغرين

اشتقنا لـ مغدوشة لـ صيدا وصور ** لـ سوق الغرِب لـ جْبيل للـ دّامور
لـ وادي كفرشيما لـ خنشارة ** الشّويفات وبعبدا المختارة
لـ عيتنيت لـ بيت زود لَـ صَغبين

اشتقنا لـ راشيّا للـ مريجات *** لـ بولونيا لـ بجّة للـ قليعات
ولفيطرون لمشغرة لعشقوت *** ولعاصمة لبناننا بيروت
لـ طرابلس للـ دير لـ بيت الدين

جايين بدنا نسكن بلبنان ** ونعيش تحت جوانحه أخوان
لبنان أول بيت للإنسان ** غاب السّباع وجنة الحلوين

تاريخ: 1961  - كلمات: أسعد سابا  - ألحان: وديع الصافي